മലാമേ ഭാഷ

ഭാഷ പരിചയംഃ മലാമേ (ഒരു മലയാള ഉപഭാഷ) ദക്ഷിണ കന്നടയില്‍ തുളുവും ബ്യാരി ഭാഷയും കഴിഞ്ഞാല്‍ മൂന്നാം സ്ഥാനത്തുള്ള ഭാഷയാണ് മലാമേ. ഇത് കാസറകോട് ഭാഷശൈലിയോട്‌ സാമ്യമുള്ളവയാണ്. മലയാളത്തിലേക്ക് ബ്യാരി ഭാഷയും (ഈ ഭാഷയെ നമ്മുടെ നാട്ടില്‍ പറയുന്നത് നക്ക്നിക്ക് ബസെ എന്നാണ്) തുളുവും കന്നടയും, കൊന്‍കണിയും, ഉത്തര കര്‍ണ്ണാടകയിലെ ഭാഷകളായ ലബ്ബയും, നവായത്തും, തമിഴും കൂടികലരുമ്പോളാണ് ഈ ഭാഷ ഉദയം കൊള്ളുന്നത്, കാസറഗോഡിന്‍റെ കര്‍ണ്ണാടകയ്ക്ക് ഏറ്റവും അടുത്തുള്ള അതിര്‍ത്ഥി ഗ്രാമങ്ങളിലും, ദക്ഷിണ കര്‍ണ്ണാടകയിലെ വിട്ട്ള, പുത്തൂര്‍, ബെള്ളാരെ, കടബ, സുള്ള്യ എന്നിവിടങ്ങളിലെ മുസ്ളിങ്ങളും, ഹിന്ദുമതത്തിലെ ബെള്‍ച്ചപ്പാട, വണിയ ഗണിക പാട്ടാളി വിഭാഗത്തിലെ ചിലരും, കൊടകിലെ കൊടവ മാപ്പിളാസും ഈ ഭാഷ യിലാണ് ആശയ വിനിമയം നടത്തുന്നത്.