റൂവിയിലെ നാട്ടുകൂട്ടം

പ്രവാസ ജീവിതത്തിലെ അപൂര്‍വ്വമായി കിട്ടുന്ന ഒഴിവുദിവസങ്ങളില്‍ നേരംപോക്കിന് ആദ്യം ഓടിപോകുന്നത് നാട്ടുകാരുടെ അടുത്തേക്കാണ്. അവിടെ ഒത്തു കൂടി നാട്ടുവിശേഷം പറയാന്‍ വല്ലാത്തൊരു സുഖം തന്നെ. ഇന്നലെ കിട്ടിയ അവധിക്ക് നേരേ വെച്ച് പിടിച്ചത് റൂവിയിലെ യൂസുഫ്ച്ചാന്‍റെ കഫ്ത്തീരിയയിലേക്കാണ്. കലത്തപ്പവും, കരിമ്പ് ജൂസും, ഇളനീരും വടപാവും വില്‍ക്കുന്ന യൂസുഫ്ച്ചന്‍റെ കടയുടെ മുമ്പില്‍ ഇരുന്നപ്പോള്‍ നാട്ടിലെ ഹസൈനാറിന്‍റെ ബന്ധേ നവാസ് ഹോട്ടലിന്‍റെ മുമ്പിലെത്തിയ പ്രതീതീ. സേക്കാല്‍ച്ചയും, ശരീഫും, അമ്മിച്ചയും, യൂസുഫ്ച്ചയും കൂടെയുള്ള നാട്ടിലെ പഞ്ചാതിഗെ. എല്ലാമറിയാനുള്ള ഷരീഫിന്‍റെ ആകാംക്ഷ , ഒരു ദിവസം മുമ്പ് നാട്ടില്‍ നിന്നും തിരിച്ചെത്തിയ അമ്മിച്ചയുടെ നാട്ടു വാര്‍ത്ത, ഇടക്കീടക്ക് ഞാനി നാട്ടുകാരനേയല്ല എന്ന മട്ടിലുള്ള ഈച്ചുച്ചയുടെ തമാശ, നാട്ടിലെ പഴയ കാര്യം പറയുമ്പോള്‍ അന്ന് ഞാനാ നാട്ടുകാരനായിരുന്നു എന്ന് പറയുന്ന സേക്കാല്‍ച്ച അങ്ങനെ എല്ലാവരും ഒത്തു കൂടിയ സുന്ദര മുഹൂര്‍ത്ഥങ്ങള്‍. അങ്ങനെ അടുത്ത അവധിക്ക് കൂടാമെന്ന് പറഞ്ഞ് യാത്രയായി.